連埋星期二放左日annual，
足足連續放左四日假，
呢幾日係真真正正咁休息，
手頭上既野通通都放低晒，
全無牽掛，就係咁打下機睇下書，
睇下電視睇下碟，好放鬆。
可能亦都因為咁，
今朝返到唻完全冇平時o個d「星期一受難症候群」，
反而仲有d 渴望做野既感覺。
而且各個project都開始返唻，
公司準備緊搬office，
今個星期仲開始見到人唻interview，
所有野都好似上緊軌道，
唔多唔少都有d 期待。
又一次突然間覺得自己真係好幸運，
好滿意現狀。
今日再一次同偉之大哥farewell，
去左灣仔間outback食lunch。
下星期開始就要靠自己喇。
放左工陪人去聽orientation talk，
之前都未去過City U，
聽talk既時候好有當年o係U上堂既感覺。
個講者好似係印度人，
d 英文好難聽得明，
好彩以前bea office 都試過同印度人傾計，
勉強都聽到。
o係又一城行左陣就去左amroni’s little italy食飯，
大學畢左業都冇再唻過，
好懷念呢度既氣氛同pizza，
同埋一坐低就上o個籃麵包，
仲有黑醋同橄欖油，
不過兩個人食pizza又太誇張。
今晚我地點左rosemary chicken，
lasagna同埋tiramisu，
飲lemonade 同limonata。
rosemary chicken好香好嫩，
lasagna傳統而且唔膩，
tiramisu都好味．．．
最重要係埋單冇收到tiramisu錢，哈。
連日家中開夜車，
再加上身邊有個病源，
終於病倒．．．
病住仲要挨夜，
第二朝仲要淋雨等車去見客做demo，
真係人都癲。
今日全日都o係度試個list persistance，
點解整極都整唔到．．．
好鬼煩。
仲未有心機時間整返廣州d相．．．
昨晚又再睡眠不足，
放工累到極點。
去逛逛又找不到想買的書，
本來有點鬱悶，
心血來潮吃了一個熱呼呼的牛肉批，
和街邊的久違了的牛什，
忽然覺得有種喜上心頭的感覺。
原來我有時都幾容易滿足。
今日幫一位獨居少女清理家中既雪櫃（做義工！？），
冇錯，係要好似去o的獨居老人既屋企做探訪咁，
幫佢睇下有冇放o的唔食得既野o係度．．．
當然亦都眾望所歸地，
俾我發現一支過左期四年既辣椒醬，
各式各樣過期半個月至兩年不等既食物，
同埋當晚先用完，
執野時就發現過左期半年既浙醋兩支。
仲有「露得清」保濕媽屎數片。
其實之前煮飯已經發現過神奇雙蛋．．．
一隻打出唻變左綠色，
另一隻打出唻係固體。
執野雖然係累但係兩口子一路執一路笑個不亦樂乎，
不過以後有我呢個義工，
上面既情況應該唔會再發生架喇。 
今個星期都係持續同GWT, Spring, JPA 搏鬥中。
有機會既話會講下d 體驗。
星期一demo 完一次個project，反應唔錯，
不過完成度仲未夠高．．．
而唻緊聽日會俾最終既客睇, 而家個進度都唔錯，
對方想睇既use case scenario 都八八九九喇，
應該仲有時間研究下 d 特別既features。
希望成功啦，好想做呢個project，話晒都係完全自己話事。
好累好累，連續幾日都訓得少。
尋晚去食飯時都吽吽下。
風月堂幾間分店d味道都如出一徹，好奇妙。
用匯豐卡有八折，甜品又買一送一，都幾抵。
（同時又會覺得佢本來食水幾深。）
後話：原來寫下d新玩意會吸引咁多人流，
尋日個entry破左開blog以來既紀錄。
lunch @ 惠比壽
有人陪我整回鄉卡，拎自己o個張出唻炫耀之際發現自己張過左期．．．
結果死死氣一齊整 :p
（私隱問題，相片經特別處理）
再戰金滿軒．．．
部長：「先生，干貝竹笙西蘭花冇晒竹笙喎。幫你轉第樣丫。」
「咁可以轉咩呀」
部長：「干貝西蘭花都唔錯丫」
「．．．．．．」
入屋除鞋
話說呢間金滿軒係以前屯門美食廣場側邊o個間上海菜館既借屍還魂，
而家o係華都開返當然要去指教下（唔知點解中菜館d 宣傳好喜歡用「指教」:p ）。
兩個人咩都想食，又難得地口味咁一致，叫左．．．
酸辣湯雲吞，湯一入口既味唔似其他地方既酸辣湯咁搶，
溫和之中有鮮味，用料取勝，
雲吞皮薄同滑，成晚最欣賞既一道。
金銀蛋時蔬，普普通通啦。
上海粗炒，呢樣係以前上海菜館既招牌菜，
仲係好有水準，而且冇以前咁油，三十蚊大大碟，勁誇張。
銀芽炒鱔糊，唔知係咪要迎合返香港人口味，
味道偏淡，但油又冇少到，搞到好古怪．．．
最後自然走唔甩最愛既高力豆沙，
死實唔夠鬆化，始終唔夠狀元坊做得好。
食咁多野當然係飽死．．．
兩口子飯後行下街，好舒服，想買對con屎但係收左鋪，
想去中旅睇下短線團又收左鋪，
淨係買到條皮帶 
後話：今次冇影相．．．因為借屍還魂既除左味道，
仲有賣相．．．我只能夠話係「實而不華」咯。
 | bkabs on Handling file upload with gwt-… |
 | erik on GroupingStore in gwt-ext |
Comments(0)
